2. flokkur lagður í æfingarleik

A-lið Víkings gerði sér lítið fyrir og sigraði lið úr 2. flokki Víkings með tveimur mörkum gegn einu í æfingarleik í Víkinni á föstudagskvöldið var, 5. febrúar. Davíð Örn og Rögnvaldur skoruðu mörk okkar manna. Sigurinn var öruggur og verðskuldaður. Þetta var mjög vel spilaður leikur af hálfu strákanna í 3. flokki, einkum fyrri hálfleikurinn. Félagar okkar úr 2. flokki mættu einfaldlega ofjörlum sínum!

A-lið Víkings spilaði annan æfingarleik daginn eftir, þ.e. laugardaginn 6. febrúar, gegn A-liði 4. flokks Víkings. Þar sigruðu 3. flokksstrákarnir örugglega með níu mörkum gegn tveimur. Markahlutfallið segir í raun alla sögu um gang leiksins. Strákarnir í 4. flokki börðust við ofurefli og í lið þeirra vantaði reyndar eina þrjá ,,fastamenn".