Leikjum við Fylki frestað!

Leikjum Víkings og Fylkis í Reykjavíkurmótinu hefur verið frestað um óákveðinn tíma. Þeir áttu að fara fram í Árbæ í kvöld (fimmtudag) en grasvöllur Fylkismanna er nú horfinn undir snjó og þar verður því ekki spilaður fótbolti alveg á næstunni.

Gunnar Örn boðar hins vegar til æfingar í Víkinni (inni) á morgun, föstudag, kl. 17:30. Þar taka menn á því í lyftingum og spretthlaupum til undirbúnings því að þjarma að Fylki, þótt síðar verði.

Og svo þetta: Meistaraflokkar Víkings og FH í fótbolta mætast í deildarbikarnum í Egilshöll kl. 19:15 í kvöld. Þetta er annar leikur beggja liða í keppninni og bæði sigruðu þá með sömu markatölu, 3-0!

Í kvöld er sem sagt boðið upp á toppslag og tilvalið fyrir þriðja flokkinn að mæta til að hvetja Víkinga til sigurs.