Grafarþögn í Grafarvogi

Víkingsliðin fengu bæði afar kuldalegar móttökur hjá Fjölni í Grafavogi í kvöld og sáu aldrei til sólar í leikjum sínum, í orðsins fyllstu merkingu.

A-liðið tapaði 0-3, staðan í leikhléi var 0-2. Fjölnismenn höfðu einfaldlega betri tök á leiknum og sigruðu sanngjarnt.

B-liðið tapaði 1-7, staðan í leikhléi var 0-1. Víkingar spiluðu gegn stífum vindi í fyrri hálfleik og vörðust vel. Í síðari hálfleik hrundi hins vegar leikur liðsins  og Fjölnismenn gengu miskunnarlaust á lagið. Þetta var leikur sem verðskuldar ekki annað en að falla í gleymsku og dá í Víkingshverfinu en minningin um hann mun örugglega lifa um hríð í Grafarvogi, svo var í það minnsta að heyra á Fjölnisfólki á vellinum í kvöld!