C-liðið sigraði, B-liðið tapaði

B-liðið tapaði fyrir Fylki í lokaumferðinni í dag með einu marki gegn tveimur. Í leikhléi var markalaust en  í síðari hálfleik komust Árbæingar yfir og bættu öðru við úr vítaspyrnu. Röggi lagaði stöðuna með marki og við það sat.

C-liðið lét Fylkismenn hins vegar ekki komast upp með múður og sigraði örugglega 1-4. Ólafur Andri skoraði í tvígang en hin tvö mörkin skoruðu Sigurður Daði og Steinar Ísleifsson.

Heildaruppskera Víkings í lokaumferðinni var því sex stig, níu mörk og Reykjavíkurmeistaratitill gegn þremur stigum og þremur mörkum Fylkis. Þetta var því Víkingsdagur á Fylkisvellinum!