Öruggur Víkingssigur í kulda og trekki á Ísafirði

Víkingarnir lögðu lið Bolvíkinga/Ísfirðinga með fjórum mörkum gegn engu fyrir vestan nú síðdegis. Sunnanmenn stjórnuðu leiknum að miklu leyti og gáfu heimamönnum lítinn frið til að skapa sér eitthvað af viti. Víkingar léku undan vindi í fyrri hálfleik og skoruðu þá í þrígang (Sverrir Hjaltested, Robbi og Aron). Í síðari hálfleik léku gestirnir gegn rigningu og hvassviðri og voru þeirri stundu fegnastir þegar flautað var af til að hægt væri að komast í skjól og hlýja sér. Viktor hafði þá skorað fjórða markið. Öruggur sigur Víkings og þrjú góð stig í sarpinn.