Þróttardagur í Laugardal

Víkingar sóttu ekki stig til Þróttar í leik A-liðanna í Laugardalnum í dag. Þróttarar voru samt örlátir við gestina í fyrri hálfleik og skoruðu sjálfsmark.  Röggi hafði áður skorað fyrir Víking og útlitið var vænlegt fyrir gestina í stöðunni 0-2. Þá fóru heimamenn að láta til sín taka, jöfnuðu fyrir leikhlé og bættu síðan þremur mörkum við í síðari hálfleik. Hvorki gekk né rak á sama tíma í sókn og vörn Víkinga og úrslitin urðu því 4-2 fyrir Þrótt.

Næsti leikur A-liðsins er við Selfyssinga í Víkinni kl. 17:30 á fimmudaginn kemur, 10. júlí. Þeir eru tveimur stigum fyrir ofan okkur á töflunnni, næstir á eftir Haukum. Sigur Víkings myndi því þýða sætaskipti við Selfoss í riðlinum og víst er að Víkingar munu leggja allt í sölurnar til að landa þeim þremur stigum sem í boði verða. Haukar eru efstir í riðlinum með fullt hús stiga.

B-liðið mætir Selfyssingum líka á fimmtudaginn kemur, kl. 18:30 í Víkinni.