Sigur, jafntefli og tap í sunnudagsleikjum

B-liðið okkar sigraði Fylki með þremur mörkum gegn fjórum en leikur A-liða Víkings og Fylkis endaði með jafntefli, 1-1. Báðir leikirnir voru í Árbæ og voru þeir fyrstu í Reykjavíkurmótinu í ár. Hlynur skoraði mark A-liðsins en Róbert skoraði í tvígang fyrir B-liðið, Agnar Darri skoraði eitt og Ólafur Andri eitt.

Á ÍR-velli steinlá B2-lið Víkings með einu marki gegn níu og sigur ÍR-inga hefði þess vegna getað orðið enn stærri. ÍR komst í 2-0 og þá fengu Víkingar dæmda vítaspyrnu sem Sverrir Hjaltested skoraði úr. ÍR-ingar bættu svo við marki fyrir hlé en í síðari hálfleik brustu flestar flóðgáttir okkar megin og spurningin var einungis sú hvort heimamenn kæmust í tveggja stafa tölu áður en yfir lyki.... 

A-liðið á næsta leik á ÍR-velli á sunnudaginn kemur, 22. febrúar, kl. 13:00. B-liðið mætir ÍR þar á eftir, kl. 14:30. Á sama tíma, kl. 14:30, tekur KR á móti Víkingi B2 á heimavelli sínum. Nánar um leiki og stig á KSÍ-síðunni, sjá tengla hér fyrir neðan. 

• Leikir A-liðsins
• Leikir B-liðanna