Hópmynd frá leik Víkings og KR

Réttsýnn og góður dómari í leik C-liða Víkings og KR núna í vikunni, Guðmundur K. Sigurgeirsson, var svo elskulegur að senda heimasíðunni myndir sem Davíð Örn Atlason tók á vélina hans áður en blásið var til leiks. Við kunnum honum að sjálfsögðu bestu þakkir fyrir. Þetta eru altsvo liðin sem mættust í fyrsta leiknum á gervigrasinu langþráða í Víkinni þriðjudaginn 3. júní 2009. Víkingar voru gestrisnir í tilefni dagsins og sendu gestina heim með stigin þrjú í malnum eftir 2-3 tap. Hins vegar skoraði Einar Sigurðsson fyrsta markið í leiknum og þar með fyrsta markið í leik á vellinum. Sá heiður verður aldrei af honum tekinn og til hamingju með það. Hér eru sem sagt myndirnar af strákunum í Víkingi og KR sem skráðu kafla í sögu félagsins okkar með fyrsta leiknum. Guðmundur K. dómari krýpur fyrir miðri mynd hér fyrir neðan.